الضيف الخامس عشر(هلا)

تسلم على التقديم اخ محمد

اولا :بطاقتي الشخصية:هلا نادر حاج بكري،العمر25سنة,بدرس بجامعة تشرين كلية الاداب قسم اللغة العربية,ولازم اتخرج من سنتين بس للاسف مازلت طالبة.
وثانيا:والمنتدى بالنسبة الي (بيت صغير )يضم عائلة كبيرة.
وثالثاحلم تحقق)للاسف حلمي الوحيد اتخرج وكفي دراسات عليا

وبصراحة خايفة كتير ....خايفة على حلم الدراسات عندي طاقة وقوة بس؟؟؟؟؟؟؟؟؟؟؟
دعولنا ولا تنسونا من دعواتك,بلكي الله بساعدني واتخرج وكفي دراسات واوصل لحلمي........ودور على حلم تاني

شو حبيبتي هلا صرتي ع الكرسي؟ اي ميت هلا بهلا نحنا دائما مع بعض وابنعرف اخبارنا  طيب شو بدي اسالك؟ خلص لقيت سؤال احلى لحظة بحياتك   واسوء لحظة الله يبعد عنك وعن الجميع كل سوء 

أولا" أنا سعيده لأنني عرفت الآن بأنك طالبة جامعه وهذا شيئ ليسى بقليل فعندما جئت للتدريس عندكم كان عدد الجامعيات من بنات الجسر يكاد أن يكون صفرا"..ولكن هذا ليسى بغريب في منزل كمنزلكم وأهل كأهلك أناس يرفعون الرأس .....
ثانيا"...أقول لك بأن العلم هو أهم شيئ في الكون وان تأخرتي في الحصول عليه المهم أن تحصلي عليه وخذي عبره من سيرتي الدراسيه عزيزتي ... أشجعك على الدراسه والحصول حتى على الدكتوراه فهي شيئ آخر صدقيني..
وسؤالي أين شعرتي بحريتك وأهميتك كفتاة أكثر
هل في اللاذقيه ومجتمها أم حيث ولدتي ؟

هلا والله ام السوس

يا عزيزتي أحلى موقف بحياتي :الفرحة التي شعرت بها عندما نجحت بالسنة الجامعية الاولى وبمعدل جيدجدا.......وخاصة بعد سماعي أنّ هناك بعض الأشخاص الذين وضعوني فرصة للرهان والحمدلله رب العالمين الله وفقني ...لانهم كانوا مراهنين على اني لن استطع التحصبل في فرعي

واصعب موقف:يوم وفاة المرحوم عمي ناصر رحمة الله عليه.

تسلميلي أم الجوج على جرعة التشجيع

للان بصراحة بلشت افقد ثقتي بقدراتي وطاقتي

وعن جوابي على سؤالك:أنا _واعوذ بالله من كلمة انا_من وقت ما كنت بالجسر بشكر الله على اهلي ربوني بشخصية قوية وحرّة.
بس بصراحة انا اخدت حريتي باللاذقية اكتر وعلى فكرة انا ماكنت بحب اللاذقية ابدا وكنت مقررة بعد ما انجح باول سنة رح انقل على حلب
بس بعد ما ارتحت باللاذقية وعاملت ناسها الطيبين ما قدرت انقل وكفيت دراسة فيها.
وهلق بتمنى إنّي بعد ماخلص دراسة لاقي شغل باللاذقية واستقرفيها،
لان اللاذقية مدينة حلوة وحلوة بناسها وهدا الشي الاهم وعلى قولة المتل (البيت بسكانه ما بحيطانه)

وانا أسعد دكتورتنا بالتعرف عليك وعلى الجميع
وبتمنى يكتمل تعرفي على جميع الاعضاء بشكل مباشر

(تصرف قمت فيه واندمت عليه):أكيد موجود واكتر من موقف
بس الموقف يلي ببكي من ندمي عليه:أني وضعت ثقتي بناس مانن اهل ثقة....وعاملتهن بطيبة ومحبة وإخلاص...ووصلوا وبنوا حياتهن على حسابي...وكانوا هدول النّاس أوّل مين أساء إلي وآذاني وبشكل كتير كبير
بستغرب بالناس يلي بيغدروا وما بيتحلوا بصفة الوفاء...وبعضوا الايد يلي انمدت إلن
كنت انا يلي رديت عنن الأذى وهنن أول الناس يلي آذوتني



(اتق شرّ من أحسنت إليه )

نجوى حاج بكري كتب:أولا" أنا سعيده لأنني عرفت الآن بأنك طالبة جامعه وهذا شيئ ليسى بقليل فعندما جئت للتدريس عندكم كان عدد الجامعيات من بنات الجسر يكاد أن يكون صفرا"..
 

عمتو نجوى هل حقا كان عدد الجامعيات في الجسر يساوي صفرا ام قصدتي مجازا لتوحي بقلة عدد الجامعيات بتلك الفترة من مدينة الجسر.علما انه في ذاكرتي امي خريجة ادب عربي قبلك وخالتي خريجة حقوق والانسة جيهان حاج بكري خريجة ادب عربي .....................ومن خارج العيلة اعداد اكبر بكثير لا مجال للتعداد والان اعداد الجامعيات لايكاد يخلو بيت من فتاة جامعية 

عمتو نجوى هل حقا كان عدد الجامعيات في الجسر يساوي صفرا ام قصدتي مجازا لتوحي بقلة عدد الجامعيات بتلك الفترة من مدينة الجسر.علما انه في ذاكرتي امي خريجة ادب عربي قبلك وخالتي خريجة حقوق والانسة جيهان حاج بكري خريجة ادب عربي .....................ومن خارج العيلة اعداد اكبر بكثير لا مجال للتعداد والان اعداد الجامعيات لايكاد يخلو بيت من فتاة جامعية

تسلملي ياعمتو والله يخليك ويبارك فيك
مجازيا" عمتو وأعلم تماما" قصة جهان لقد كانت مثلي الأعلى في تلك المرحله لأن خالي أبو برهان سيد من ربى وسيد من علّم بعد الله فجمله يكاد يكون توحي للمجازيه وبعدين ليسوا من أهالي الجسر انما من الجبل .....فلا يمكن نكران أن الجسر منذ عشر سنوات ليسى كالآن ودمت ياغالي

تسلميلي خالتو (أم ايهم)انشالله وباقرب فرصة ممكنة بحاول اعمللكن زيارة وطبعا بتشرف بمعرفتكن

أما عن مواصفات شريك العمر,وبكل الاحوال إن اكملت دراسات عليا او لأ,المواصفات هي نفسها _حاليا_بس ممكن تتغير بعدين:
المواصفات:
اهم شي يكون انسان دارس وفهمان .وطبعا الفهم بعتقد ما مرتبط بالدراسة ابدا
وثانيا يكون شخص بيعرف الله وبخاف الله (وكمان الالتزام الديني بهل الايام وعند بعض الناس وللاسف الشديد غير مرتبط بمعرفة الناس الصحيحة للدين ولرب العالمين ).
يكون شخص اجتماعي وبحب الخير للناس وقلبه طيب,لان بصراحة ما بعرف اتعامل مع الناس اللئيمين.

وبالآخر نكون نحنا الاتنين منكمل بعض.


أنا هيك بتمنى .......وبتمنى الله يعطيني على قد امنيتي

وبالمقابل بخاف كتير من الايام والزمن,وطبعا الخوف من البشر لان بني آدم بطبعه غدار

اهلين أخ أمجد......انا الحمد منيحة.أنت كيفك

أكييييييييييييييد ما بحب النّاس يلي بخبوا غيظهم لان بصراحةهدول ناس (لئيييييييييييييمين)لان صدق وقت رح تسنح الهن الفرصة ليغدروا فيك فورا بيغدروا وما بقصروا

بحب لما اي شخص انا بزعجه بعد ما يروق يجي لعندي ويعاتبني حتى ما يتكرر الموقف من جديد وتصير المشكلة اكبر ....وتتصافى القلوب..........لان أنا هدا طبعي

والله ياهلا أعجبتني ردودك كثيرا" وخصوصا" حبك للعلم وتفضيله على الزواج وهذا صحيح تماما" فعندما تنتهين من دراساتك سينضج اختيارك للزوج وسيزيد عدد المتقدمين وخصوصا" أتذكر بأنك جميليه ............زادك الله تقوى وايمان

نجوى حاج بكري كتب:والله ياهلا أعجبتني ردودك كثيرا" وخصوصا" حبك للعلم وتفضيله على الزواج وهذا صحيح تماما" فعندما تنتهين من دراساتك سينضج اختيارك للزوج وسيزيد عدد المتقدمين وخصوصا" أتذكر بأنك جميليه ............زادك الله تقوى وايمان

تسلميلي أم الجوج خجلتيني.........عيونك هنن الحلوين
والله يحسّن اخلاقنا متل ما حسّن خلقنا

وصدقيني مجرد التواصل معك ومع الباقيين بيعطيني خبرة بالحياةوزادني خبرة

الله يديمك سالمة يا رب

حابة سلم على هلا بنت عمنا العزيز نادر ورحب فيها بالمنتدى وبحبها تكون أكثر تفاؤلا بالنبسة لفرعهالأن الخير فيما اختاره الله وعلى فكرة أنا خريجةأدب عربي جامعة تشرين وبدي اسأل هلول واسمحيلي دلعك ان كنت انت صاحبة الاميلات المرسلة إلي عبر اسم هلا 85

أمل عبد الرحمن حاج بكري كتب:حابة سلم على هلا بنت عمنا العزيز نادر ورحب فيها بالمنتدى وبحبها تكون أكثر تفاؤلا بالنبسة لفرعهالأن الخير فيما اختاره الله وعلى فكرة أنا خريجةأدب عربي جامعة تشرين وبدي اسأل هلول واسمحيلي دلعك ان كنت انت صاحبة الاميلات المرسلة إلي عبر اسم هلا 85

اهلين (أمول)واكيد بسمحلك تدلعيني هلوا ولوووووووو نحنا اولاد عم

ما بده سؤال صحيلي متل ما بتحبي

وطبعا يا عزيزتي آسفة لان ما عرفتك بحالي اي انا صاحبة الايميلات يلي عم تصلك
اخدت ايميلك وايميل نجوى ........هلق نجوى خبرتها .....بس امانة لا تواخذيني لان ما خبرتك وقلتلك اني هدا الايميل الي

وبتمنى نتواصل مع بعض اذا بتحبي