hajbakri

منتدى يهتم بالتاريخ العائلي وأصول العائلات في بلاد الشام وكذلك تاريخ القرى السورية وجغرافيتها


    مصطلحات طرطوسية

    شاطر
    avatar
    Dr.Ebtihal Haj Bakri
    حاج بكري آغا
    حاج بكري آغا

    عدد المساهمات : 88
    تاريخ التسجيل : 02/05/2010
    العمر : 36
    الموقع : المملكة العربية السعودية - الجبيل

    مصطلحات طرطوسية

    مُساهمة من طرف Dr.Ebtihal Haj Bakri في الإثنين ديسمبر 27, 2010 3:51 pm

    عازمك عكاسة متة: عازمك لعندي.

    هالحديث بدو كاسة متة: يعني ما بينقال عالواقف أو عالتلفون, بدو قعدة.


    بتتخيلي كاسة المتة هون؟: يعني المنطقة جميلة جدا.

    حزور وين شربت متة؟: تدل على غرابة مكان زرته.

    حزور مع مين شربت متة؟: قعدت مع واحد ما رح تتوقعو أبدا.

    ياما شربان معو متة: كنت صاحبو لهداك الشب (و بتنقال لما الشب التاني بتعلا مراكزو)

    سخنو: أنا جاييك عالطريق.

    نقاع: يعني تخلى عن رزانتك و شاركنا أطراف الحديث.

    لسا ما قطعت كاستك: بتنقال اذا ضيفك بدو يروح و ما طول بالقعدة.

    بدنا نجدد: قعدتنا مطولة.

    جددنا تلت مرات: يعني الزلمة طول عندي.

    قطعت كاستو و ما كنت جددلو: دبقني الأخ و حاولت قحطلو.

    ما كنت سخن الأبريق: تعمل عمل سابقتها.

    مركزا لحالي: يعني حاطط كاسة متة و قاعد لحالي قعدة رواق.

    حزور شو نسينا؟: يعني ما جبنا الأبريق (لما منكون بسيران)

    طيبة هلق كاسة المتة: بتنقال بعد أي شي بيعملو الطرطوسي و بالأخص بعد أكلة دسمة, أو لما تشتي الدني.

    بدا كاسة متة: الشغلة بدا تركيز.

    ما بيشرب متة: مقت.

    قاعد و حاطط كاسة متة قدامو: طايلة قعدتو (بتنقال اذا ناطر حدا)

    قاعد مأشرب متة: مو ماعمل شي (اذا انسألت شو متعمل)

    ما شربتنا متة: ما كانت ضيافتك منيحة (بتنقال عسيبيل المزحة)

    ما شربنا متة: ما كانت ضيافتو منيحة (بتنقال بجدية)

    شبك؟! بدنا نشرب متة: لا تقلي رايح.

    يلا بشرب كاستين: ما رح خجلك, بس عنجد أنا مستعجل.

    منشرب متة بالأول ولا مناكل و منشرب متة؟: تنظيم وقت السيران.

    انقالت بقعدة متة: ضعيفة المصداقية

    الموضوع صحي يمكن يكون مضحك بس كل جملة فيه حقيقية و بتنقال بكل جدية بطرطوس و مو عسبيل المزاح أبدا, و لا بتثير أي ضحكة بالأوساط. و هيي بسبب تأثير المتة بحياة الطراطسة و محوريتا بحياتون اليومية لدرجة أنو صار في جمل مرتبطة بالمتة
    ابقوا شروفنا بكاسة متة
    avatar
    جبران خواطر
    نائب المدير
    نائب المدير

    عدد المساهمات : 1430
    تاريخ التسجيل : 19/04/2010
    العمر : 39

    رد: مصطلحات طرطوسية

    مُساهمة من طرف جبران خواطر في الإثنين ديسمبر 27, 2010 11:52 pm

    شكراً دكتورتنا على موضوعك
    وزيادة أحب أن أضيف لمعرفتي بأهل طرطوس
    هناك قاسم مشترك بينهم وهو وجود مصاصة المتة بشكل دائم بجيوبهم
    يعني مستحيل يروحوا على حالون عزيمة أو أي مشاركة مته



    _________________
    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    نجوى حاج بكري
    أحلى خبرة
    أحلى خبرة

    عدد المساهمات : 691
    تاريخ التسجيل : 23/06/2010

    رد: مصطلحات طرطوسية

    مُساهمة من طرف نجوى حاج بكري في الثلاثاء ديسمبر 28, 2010 2:28 am

    والله يدكتورتنا بدنا زاويه من حضرتك طبيه تبين لنا الأشياء الصحيه والعادات الحميده ....
    avatar
    Dr.Ebtihal Haj Bakri
    حاج بكري آغا
    حاج بكري آغا

    عدد المساهمات : 88
    تاريخ التسجيل : 02/05/2010
    العمر : 36
    الموقع : المملكة العربية السعودية - الجبيل

    رد: مصطلحات طرطوسية

    مُساهمة من طرف Dr.Ebtihal Haj Bakri في الثلاثاء ديسمبر 28, 2010 1:56 pm

    [quote="نجوى حاج بكري"]والله يدكتورتنا بدنا زاويه من حضرتك طبيه تبين لنا الأشياء الصحيه والعادات الحميده ....[/qu

    عزيزتي الدكتورة نجوى أنا على استعداد لاستقبال استفسارات جميع الأعضاء على إيميلي الخاص أو عبر المنتدى
    وأعدكم أن أجيب عليها خلال 24 ساعة على الأكثر
    وأرجو أن تتركز الأسئلة حول أمراض وجراحة الأنف والأذن والحنجرة
    إضافة إلى استشارات التغذية والصحة العامة والطب الوقائي
    والاستشارات النفسية

    وسأكون سعيدة بتقديم الجواب الشافي للأعضاء الكرام


      الوقت/التاريخ الآن هو الأحد ديسمبر 17, 2017 6:31 am