الضيف الثاني عشر

أهلا محمد بشكرك عالتقديم الحلو والصراحة كانت مفاجأة لي وجودي عالكرسي ما توقعت يجي دوري هالأسبوع
بس ولا يهمك صحصحت تمام هويتي الشخصية :
الأسم: إيمان برهان حاج بكري
اسم الأم : أبتسام حاج بكري
المواليد : اللاذقية 24- 12- 1977
الدراسة : معهد فنون
هواياتي المفضلة :الرسم المطالعة الرياضة وأهمها (السباحة والتنس )وفي رياضة ثالثة بلا ما قولا
برجي : الجدي
أجد نفسي في الرسم وخاصة رسم الطبيعة الصامتة ودرجات إنعكاس الضوء لذلك ستجد في مكتبتي الكثير من أقلام الرصاص بدرجات متفاوتة

مرحبا اختي الحبوبة ايمان
سؤالي الك يا ميمو الغالية في عندما تصيبك مشكلة وان كانت صغيرة و من لا تصيبه المشاكل من هو اكثر شخص تحبين ان تجلسين معه و تكلميه ربما يكون هنالك اكثر من شخص
و سؤالي الآخر ما هي اكثر السنوات التي كانت و كما يقولون سنة خير عليك ؟
وشكرا لك

أهلا نعومة الغالية على قلبي معك حق كل انسان تعترضه بعض المشاكل والحقيقة هي (الشكوى لغير الله مذلة ) لذلك أتحاور فقط مع الأشخاص المحبة والتي تريد لي الخير ولا أفكر ابدا بأستعراض مشاكلي للأشخاص المجاملة
بالنسبة لسؤالك الآخر إنه جميل جدا وذكرتيني بأسعد أوقات حياتي وهي عندما كنت في دولة قطر أحب هذه البلد من بعد سورية الغالية واعتبر تلك السنوات خير علي وخاصة ان وسيم الغالي ولد في قطر واضاف على حياتنا رونق وبريق أخاذ بالإضافة إلى انني وجدت نفسي هناك ومارست معظم هواياتي المحببة

هااااي ميمو الحلوة رح أسألك سؤال بسييييط كتير ما رح تقل عليكي:
- شو أحلى هدية تلقيتيها بحياتك ومن مين؟
وفي شي تاني حابة قولو:الرياضة التاتلة اللي ما بدك تقوليها أنا بعرفها هي dance عربي..غربي

AsMaA BuRhAn كتب:ياااااااااااااااااااااااي ايمانوووووو عالكرسيييييييي هجوووووووووم لا تدعو الفرصة تفوتكون أم وسيم امانة (شاي، متة، قهوة، معسل ، تنبك) انا جاهزة وعالطلب
[ندعوك للتسجيل في المنتدى أو التعريف بنفسك لمعاينة هذا الرابط]
اي ميمو خبريني كيف بتحبي طبيعة الأسئلة استراتيجية(فرنسية) ولا مؤتمتة أو لقلك رح اسألك على ذوقي

نامبر وااااااان:
1- انت تمليكن موهبة متميزة ورائعة وقد اورثتها لأبنك وهي موهبة الرسم فهل إيمان تلجأ إلى الرسم في ساعات الضيق لتعبر من خلاله عن مشاعرها أم على العكس يكون الرسم في ساعات الصفاء التام؟

نامبر تووووووووووو:
2- حدثينا عن موقف أثر بك بشدة؟

نامبر ثررررررررري:
3- لمحة موجزة عن حياتك اليومية ؟

نامبر فوووووووور:
4- ما هي وجبتك المفضلة ؟ (انت بس قوليلي عليها وان شالله بأول مشوار لعندك منطبخها بس تحبي الله لا تقولي كبة )

نامبر فاااااايف:
5- انت كأمرأة ناضجة وام لطفل رائع ما هو تعريفك للحب بعد ان وصلتي لهذه المرحلة وقد اصبحت نظرتك صائبة وتقييمك دقيق ونقدك بناء فكيف تفسريه من منظورك ؟

ولييييييييييييي يا ماما بدي أهرب قبل ما تعصبيي عليي على اد ما كتر اسئلة وتبالدت عليكي

يلا ميمو رحلة موفقة وهبوووووط سليم بأذن الله من على متن كرسي الاعتراف

أهلا اسماء بس هالأسئلة حرام يا سمسوم انا مسكينة حسيت حالي بامتحان البكلوريا
1ـ كنت ألجأ للرسم في معظم الأوقات ولكن رسوماتي كانت تعكس حالتي النفسية أما الآن فقد مضي وقت طويل لم ارسم
2ـ هناك موقف أثر بي بشدة وهو شعوري بالخوف الشديد عندما كنا في الطائرة وكان الجو في خارج سيئا وسيم يبلغ من العمر ستة أشهر فاهتزت بنا الطائرة بطريقة غريبة وقالو لنا انه يوجد الكثير من المطبات الهوائية ولكن هبطنا في إحدى المطارات لحين تحسن الجو وكان هذا الموقف لا ينسى
3ـ بدك لمحة عن حياتي اليومية بالصيف أو بالشتاء بس ما تغيرت بسهر كتير ما بطلت هالعادة لا تخبري بابا
4ـ بدي كبة اذا بتطبخيا في ألك عندي مفاجأة
5ـ اسما هلكتيني اسئلة بس شوفك ماشي يا سمسوم بالنسبة للحب من الصعب جدا تعريف او تفسير الحب او حتى معرفة معناه الحقيقي بالرغم من اعتقادنا بمعرفته. الحب من اسمى معاني الحياة ومتل ما بيقولو الحب متل الشجرة الشامخة تحتاج لمن يرويها لتكبر فالمعاملة هي اساس نجاح الحب وديمومته ييعني ازرع خيرا تحصد خيراوما بعرف اذا بينطبق هالشي على كل الأشخاص

إكرام برهان كتب:هااااي ميمو الحلوة رح أسألك سؤال بسييييط كتير ما رح تقل عليكي:
- شو أحلى هدية تلقيتيها بحياتك ومن مين؟
وفي شي تاني حابة قولو:الرياضة التاتلة اللي ما بدك تقوليها أنا بعرفها هي dance عربي..غربي

أهلا كريمة بالقشطة أحلى هدية تلقيتا بحياتي هي عندما رزقنا الله بوسيم
وهدية مميزة اشتراها لي خالي الغالي بيوم عيد ميلادي التاسع وهي علبة ألوان مائية كبيرة فنسيت باقي الهدايا وفرحت بهديته

بالنسبة لرياضة التالتة بس شوفك لأقتلك ست فضيحة

Dr.Ebtihal Haj Bakri كتب:

الغالية أم وسيم على الكرسي
يا مية هلا
سؤالي إلك 1- من هو مثلك الأعلى في الحياة ؟؟؟؟
و2- قلت أنك عشت أياماً جميلة في دولة قطر وقد يكون معك حق فهنا كما في قطر إمكانيات العمل كبيرة والرفاهية بمستوى عالي
فهل شعرت بالندم يوماً لإنك تركت الاغتراب وعدت إلى سورية؟؟؟؟؟

أهلا حبيبتي الغالية أم لين مشتاقة والله
1 ـ مثلي الأعلى في الحياة هو أبي الغالي أحب فيه كل شيء ومتل ما بيقولوا : كل فتاة بأبيها معجبة
وأمي الرائعة أحب فيها طيبتها وحنانها الذي لا ينضب
2 ـ نعم صحيح عشت اياما مميزة ولكن لم أشعر بالندم لعودتي إلى وطني الحبيب وفي نفس الوقت انا أعشق التجديد والأكتشاف والمغامرة ولكن مهما ابتعدت مرجوعي لغاليتي سورية
والحقيقة أنه هناك صراع بين الأغتراب والوطن فإذا اغتربنا حققنا بعض طموحاتنا وإذا اخترنا الوطن بقينا بقرب احبابنا واقربائنا
ولكني أفضل ان يكبرو أولادنا في وطنهم لكي لا يشعرو بالغربة فيه بعد عودتهم. والله اعلم فالكل شخص ظروفه ليتكيف معها .
قبلاتي الحارة إلى لين الأمورة

ABDUALRAHMAN كتب:

مرحبا ام وسيم خير شو القصة كنت مارئ من الحارة التانية قلت لشوف صاير هون ليش كل هالصوات
طلعتي انتي على كرسي الاعتراف بس مالن حق ها

السوال الاول : طبعا سمعت انو انتي شاطرة بالطبخ اي اكلة بتحسيها بتطلع معك اطيب الكبة المشوية ولا الكبة المقليه


السوال التاني : بالقريب العاجل رح يصير عندك صهر شو شعورك بهالخطوة رج تكوني مبسوطة فيها تمام الا رح يكون في شي منغصات
وشو رايك بهدا الصهر اكيد مافي متلو بالعالم :

السوال التالت :
مين الشخص او الشخصة الي قد ماقعدتي معو مابتملي منو

السوال الرابع : سلميلي على ابو وسيم


اسف للاطالة باي

اهلا وسهلا عبد شايف بالله شو صاير فيني بس اكيد انت كمان ما راح تقصر
1 ـ شو بعمل كبة غير شكل مشان هيك قتيبة بياكلها بمناموا المسكين
واكتر شي بتطلع معي طيبة الكبة اللبنية بس لازم بعد ما اسكبها بالصحن حط ورقة مكتوب عليها كبة لبنية لحتى تنعرف
2 ـ ولو .. يا عبد الله يسامحك ليش في اغلى من الصهر انا بشوف انو الصهر متل الأخ ومتل ما اسماء بتعز صهرها وغالي عليها واكيد انت كمان راح يصير ألك معزة وغلاوة كبيرة . أنت بس عليك تدلل اسماء وشوف غلاوتك شو راح تزيد عند كل بيت حماك
وعسلامتك مافي متلك بكفي انو اختي اختارتك وانا بعرف انو سمسم مذوقة فأكيد مافي متلك بالعالم غير قتيبة
3 ـ الشخص يلي ما بمل منه عن جد وبصراحة هي اسماء إذا بقعد معاها الدهر ما بحس بالوقت .دائما عنا أحاديث متجددة وأفكار متبادلةوهي بتفهمني عالطاير وبحس بحنيتا ولهفتها عالناس يلي بحبوها
4 ـ الله يسلمك وابو وسيم بسلم عليك وبقلك شتقنالك باي

السلام عليكم ميمو كيف الحال و الأحوال : أما بعد


إيمان عشنا أنا و انت ايام طفولة رائعة (بالبيت و عند بيت الأجداد أبو برهان و أبو نبيل )

كيف نظرتك لهديك الأيام و ما هو أكثر موقف بالطفولة بتتذكريه أكتر شي (طبعا لازم كون انا معك هاااا )

رفعت برهان حاج بكري كتب:السلام عليكم ميمو كيف الحال و الأحوال : أما بعد


إيمان عشنا أنا و انت ايام طفولة رائعة (بالبيت و عند بيت الأجداد أبو برهان و أبو نبيل )

كيف نظرتك لهديك الأيام و ما هو أكثر موقف بالطفولة بتتذكريه أكتر شي (طبعا لازم كون انا معك هاااا )

عليكم السلام أهلا وسهلا حبيب قلبي أخوي رفوعة
والله ذكرتني بأحلى أيام عشناها وهي طفولتنا السعيدة التي قضيناها بأحضان الأهل وبيت أجدادنا الغوالي
فعلا أيام جميلة لا تعوض في كتير مواقف حلوة مرت علينا مواقف مضحكة ممتعة ظريفة وطريفة
اذكر عندما كنا نلعب على شاطىء البحر ونبني القلاع الرملية ونركب زورقنا الصغير معا كنت تقول لي ليش البحر مالح الملح بوجعلي عيوني .
وعندما كنا نركب البايسكل ونتسابق مع اولاد جيراننا .وحين نفوز يذهب ابن الجيران باكيا يشتكي امه فنضحك كثيرا
واحلى شي لما نكون عند بيت الجد ابو برهان رحمه الله وكان يشتري لنا الكثير من المثلجات والحلويات ثم يسألنا مين بتحبو اكتر جدكم ابو برهان أو جدكم ابو نبيل فنقول له انت يا جدو منحبك اكتر . ولما نكون عند الجد ابو نبيل رحمه الله يشتري لنا الحلويات ويأخذنا المشاوير وبعدين بيسألنا مين بتحبو اكتر فنقول له انت منحبك اكتر ..
يعني مزبطين حالنا عالطرفين والحقيقة انو كانو لتنين كاشفينا وبيضحكو علينا
ومن اروع أوقات الطفولة عندما كنا نلعب في بستان جدي قرب النهر ونمضي النهار كله لا نشعر بالوقت مستمتعين بالسباحة وإطعام السمك ثم صيده وبناء مدينة من الطين على طرف النهر وكان لديك ميول هندسية منذ الصغر فكنت تنسق الشوارع والابنية والحدائق فتصبح مدينة رائعة ولا في الاحلام .
يمكن اذا ببقى ساعة بحكي عن ذكريات الطفولة ما بتنتهي
وذكريات كتيرة مع الخال شريف والعم معن والمقالب التي كانوا يبتكروها معنا ايام رائعة لا تنسى

وبشكرك كتير لأنك ذكرتني بطفولتنا الجميلة .

وانشاالله اطفالنا يكونواعايشين طفولة جميلة مثلنا