أسماء الضيفة الثامنة

محمد عبد القادر حاج بكري كتب:

شخصية حساسة

رقيقة

لطيفة

محبة للمنتدى

والكل بحبها ويحترمها

ضيفتنا ( أسماء)

والسؤال الأول: بطاقتك الشخصية

السؤال الثاني: ماذا يعني لك المنتدى

السؤال الثالث: من صاحب الفضل على أسماء

اول شي شكراً كتير كتير ألك ابوالعبد على الطرح الجميل والاطراء والمبالغة في وصفي بس جد كلك زووووووووووووووء
بس كمان عتب زغيرررررررر مو لسا انا بكير عليي الكرسي يا
نامبررررررررررر ون : بطاقتي الشخصية:
الأسم: أسماء برهان حاج بكري
الام: ابتسام
محل وتاريخ الولادة : اللاذقية 12/1/1986 ختيرناااا
الأقامة : مدينة ادلب - جانب كلية الآداب 0 (تفضلوا)
العلامات المميزة:تاااااااااااام
المهنة: عاطلة عن العمل (يا شحار قلبي على حالي )
نامبررررررررررررر توووو :
المنتدى هو حيز لعبر فيه شوي عن ولاءي وارتباطي بأفراد عيلتي ولاقدر اتعرف عليهون فرداً فردا(الكبير والزغير والمقمت بالسرير ) وكمان بعتبر المنتدى موعدي اليومي الي بنتطره متل اي مسلسل متابعته وبلهفة
نامبررررررررر ثري:
طبعاً متلي متل كل هالعالم اول شي الفضل لله ومن ثم بالدرجة الاولى البابا ومن وراء الستار هو صاحب الأيادي الخفية ألي كان عم يسعى لرسم وبناء مستقبل كل واحد مننا بكل حكمة وذكاء وزرع فينا أصول القيم السامية وطبعاً هالشي صار بمساعدة ودعم كبير من ماما لذلك انا عاجزة ورح ابقى عاجزة عن ايفاء ولو جزء لا يتجزأ من ألي قدمولي اياه لذلك اليوم وبكرا ولأخر العمر رح ضل ادعيلهون تيمناً بالحديث النبوي (ولداً صالحاً يدعو له)
وكمان اخواتي ألون دور مميز معي على اعتبار انا الصغيرة تقريباً بس رح خصص كمان اختي إنعام والي يمكن ذكرت قبل هالمرة انو هيي صحيح ما بتكبرني كتير بالعمر بس بتعاملني كأم وانا دايماً برجعلها وهيي بتساندني بمختلف اموري
(يعني باختصار انا والحمد لله عندي أسرة رائعة واحسد عليها )

وبعد انتهاء الاسئلة :رح اشكر محمد عبد القادر كتير على هالكرسي الفخم الي قعدني عليه (وعلى فكرة طابتلي القعدة )

سوسن محمد غسان حاج بكري كتب:اهلا اسماء احلى صديقة والله
حابي اعرف شو دراستك وشو طموحك
مع تمنياتي الك بنجاح والتوفيق

لك منورررررررررررة ومعطررررررة الكرسي أحلى سوسن
اول شي دراستي: انا دارسة فرع اسمه الحاسوب ونظم المعلومات في التجارة والإقتصاد (بجامعة حلب)

أما بالنسبة لطموحي فأنا من وقت ما كنت زغيرة بعمر 3 و 4 سنوات كنت قول لأهلي بدي صير وزيرة الثقافة بقا ما بعرف وين صار هلئ طموح من هالشي

ABDUALRAHMAN كتب:

مرحبا اسماء
مابعرف شو بدي اسالك
بس عندي سوال انا معجب فيكي انتي مرتبطة شي

اهلين عبد


لا انا فري مش مرتبطة

نورت الموضوع ابو الشباب

أسماء:
بأي لون ترين الحياة...

r=blue]4]سوسو عالكرسييييي
ايه ياستي شايفة الله كبير
بس أنا مارح اعمل متلك انزل رشاً ودراكاً
هو سؤال مافي غيرو
ماهي نظرتك للمستقبل ؟[/size]

محمد عبد الرحمن كتب:أسماء:
بأي لون ترين الحياة...

هلا والله بأبو عبدو

بتعرف شغلة أنا ما رح أقدر جاريك بالجواب على سؤالك الصغير والعميق بأعتبار انت شاعر

بس انا رح رد بأسلوبي البسيط

انا بشوف الحياة بلون التوكل على الله والسعي لبلوغ مرتبة تقربني منو والحمد لله انا دايماً بنظر بعين الأمل ولو في احلك الظروف وبعتبر مقولتي المفضلة(الامل يأتيك من نافذة نسيت أنها مفتوحة )

أما إذا بدنا نحكي عن الألوان بشكل مادي فأنا حياتي بكل الألوان (من ألوان الطيف) بس لون التركواز هو ألي مسيطر عليها

أم أيهم كتب:

سمسم أنا جايه من طرف عبدالرحمن أطلب أيدك بتقبليني كون حماتك

اممممممممممممم سؤالك حيرني يا مرت خالي الحلوة بس أنا رح جاوبك

مو بقلولك كرمال عين تكرم مرج عيون إذا من طرف عبد خلص بقبل تكوني حماتي وأمري لله

لا مزحة بس عم هز الورد هو بصراحة انا بحب تبقي متل ما انتي مرت خالي الدلولة وألي منحبها

Dr.Ebtihal Haj Bakri كتب:أسماء الغالية
هل وأنت في هذه المرحلة من عمرك حققت ما كنت تحلمين به لهذا العمر عندما كنت طفلة؟؟؟؟؟؟؟؟؟؟؟؟؟؟

هلا ببنت خالي ابتهااااااااااااال

أول شي: الحمد لله على السلامة وصولك على السعوية بخير (ولو اجت متأخرة بس معلش )
انت ما بتدققي عليي ما بيناتنامصح؟؟

ولأجابة عن السؤال:
يمكن احلام الطفولة بتكون مبهمة نوعاً ما انا بقلك في شي منها تحقق وكمان في شي كتير ما تحقق بس الحمد لله بعتبر حالي انا هلئ راضية تماماً عن كل تفاصيل حياتي ويمكن انا هيك اسعد من لو حققت الأشياء ألي كنت بحلم فيها وطبعاً الفضل لله ألي حط بعقلي هالقناعات والفكرة

HANAN HAJ BAKRI كتب:r=blue]4]سوسو عالكرسييييي
ايه ياستي شايفة الله كبير
بس أنا مارح اعمل متلك انزل رشاً ودراكاً
هو سؤال مافي غيرو
ماهي نظرتك للمستقبل ؟[/size]

حنانووووو الحلوووووووووة بنت العم عم تشمت فيني
اي والله يا حنونة الدنيا دولاب يوم ليك ويوم عليك
والله انت مافي منك بس جد بتموني اذا بدك اسأليني على كيف كيوفك

اممممممممم اما بالنسبة لنظرتي للمستقبل بصراحة انا بخاااااف من الغموض والمستقبل هو شي غامض كتير وتأثيروا علينا كبير انا بعمل جهدي لاتحسبله وحاول غير فيه ليصير لصالحي قدر الامكان بس (المكتوب ما منو مهروب) يعني شو بدنا نعمل رح نمشي على مبدأ اعقلها وتوكل وان شالله ما تكون الايام مخبيتلنا الا كل شي منيح

إنعام برهان حاج بكري كتب:أختي الغالية سمسومة ما هي أهم الأحداث التي مرت عليك برحلة حياتك و التي لها وقع و تأثير عليك ؟؟؟
وسؤال اخر
الحكي بيناتنا مين أغلى على قلبك حوض سمكاتك أم منتجع سلاحفك

نعوووووووووووووومة انت هوووووووووووون

لك بس والله على حد علمي تركتك بالأودة عم تتفرجي على فيلم بالتوب موفيز كيف وصلتي لهووووون

لك نوّر الموضووووع بوجودك بأسألتك الحلوة

بالنسبة للسؤال الأول: بصراحة يا نعوم في عدة شغلات يمكن كان ألها دور بقلب وتغيير مجرى حياتي بس أكتر شغلة هو موضوع تسجيلي بجامعة حلب وكان هالقرار سريع وبدون تفكير من قبلي...
الحمد لله صحيح تم هالشي دون دراسة او تفكير بس انا راضية تمام الرضا على قسمتي وكتير فرع هالجامعة تناسب وتوافق مع أهتماماتي وسعيدة بجميع التغيرات الجذرية الي طرأت على حياتي من جراء اتخاذ هالقرار

وهلئ منجي للسؤال التاني :
لك اخ منك يا نعمووووو مافي سؤال وقفت عندو عاجزة عن الأجابة وخجلانة منووو اد سؤالك هيدا
بس على اعتبار الحكي بيناتنا رح جاوبك؟ انا بصراحة بعد ما ماتت سمكتي الغالية على قلبي والمميزة صرت ميالة لمنتجع السلاحف وجد يا نعمو تعودت عليهون لدرجة يوم الي ما بشوفهون بحس شي ناقصني (أمانة نعوووووووووم لا تخبري السمكات بهالشي بعدين بينطمزوا)

اهلا أختي أسماء انت على كرسي الأعتراف وقعتي وما حدا سما عليكي أولا: ما هو البرج الذي تتعاطفي معه غير برجك وماهو أفضل يوم بالسنة عندك عزيزتي : قيل للسعادة أين تسكنين ؟ قالت : في قلوب الراضين قيل: فبما تتغذين قالت : من قوة إيمانهم قيل : مع من تدومين ؟ قالت أدوم بحسن تدبيرهم . ما رأيك بهذه المقولة بأعتبار انك فتاة أيجابيةو مبتسمة دوما للحياة وان شالله ايامك كلها سعادة

ام وسيم حاج بكري كتب:اهلا أختي أسماء انت على كرسي الأعتراف وقعتي وما حدا سما عليكي أولا: ما هو البرج الذي تتعاطفي معه غير برجك وماهو أفضل يوم بالسنة عندك عزيزتي : قيل للسعادة أين تسكنين ؟ قالت : في قلوب الراضين قيل: فبما تتغذين قالت : من قوة إيمانهم قيل : مع من تدومين ؟ قالت أدوم بحسن تدبيرهم . ما رأيك بهذه المقولة بأعتبار انك فتاة أيجابيةو مبتسمة دوما للحياة وان شالله ايامك كلها سعادة

لك أهلا وسهلا ومية مرحبا بأختي الكبيرة والغالية ايمانوووووووووووو
اي والله يا إيمان شايفة قعدت على كرسي الأعتراف وعم اعترف وانا عم أضحك وألعب
بالنسبة للأبراج والله ما بعرف بشو بدي جاوبك بس أنا بحس أنو برج العذراء قريب مني نوعاً ما وصاحب هالبرج أغلب الأحيان بكون ميال ألي وأنا كذلك الأمر (والعلم عند الله)
أما بالنسبة لأفضل يوم بالسنة فأنا أعتبر 3/12 هو اليوم المميز والسبيشل لدي بس أمانة لا تسأليني ليش ولا بأي شكل لا عالمنتدى ولا برسالة خاصة ولا عالماسنجر ولا حتى فيس توفيس لأنو هاليوم توب سيكريت عندي بس اكيد ما على ميمو

جد ميمو انا وعم اقرأ هالمقولة قلت لحالي هذه الكلمات رائعة ومقنعة وبدي اشكرها لإيمان على هذه الجملة المنتقاة وبدي أشكرك أكتر على جمعك بين هالمقولة وبين السؤال والصفات التي طرحتها والموجهة لي
أما رأيي بهذه المقولة فأنني اعتبر كلماتها تضرب على الوتد الحساس من شدة وضوحها ودقة تعبيرها وانا والحمد لله بعتبر نفسي محققة للشرط الأول فقط من شروط السعادة وهو شرط الرضا لذلك أسأل الله حسن الغذاء والديمومة كما أسأل الله ان اراك دائماً في أعلى مراتب السعادة لأنك لست فقط إيجابية بل إيجابية مفكرة ساعية للوصول إل أهدافك (دمت بخير أختي الغالية إيمانووووووووووووووووو الحلوة وتبرفن وتعطر الموضووووووع بمشاركتك )