شفتك أول مرة جنب بيتنا بالحديقة الزغنوطة
وقلبي لما طسيتك طرق أحلى زلغوطة
شقد كنتي نهاره متلبكة وشكلك معبوطة
وانهزمتي مني اه بدي الحقك حتى لو لفيتي متل ابن بطوطة
ابوس شناق وش الحجي اذا بخطبني ياكي
والله يستر بقوم مايستحمل كتر كري وعلاكي
يأنو يا خيتوا بزت حالي من فوق السجرة اذا بدي أعيش بلاكي
بقا انشالله يصير بيت ابوي هو بيت حماكي
ويايوم على ايشاربك البني لماطيروا الهوا
وانا شفت وشك طبيت بأرضي وأكلت هوا
وقلت لحالي علوا نبقى العمر أنا وأنتي سوا
ولانمض ونروح حكيم ولايوصفلنا دوا
وبكرى يا بتصيري حجة وانا الحجي ومنخلف عجيان
وبطلعوا كلن عاقلين الا واحد بيطلع سعدان
وبيفرط معلاقنا وبيفضحنا بالحارة وبيتعربش عالحيطان
وببهدلنا قدام الخلق وكل يوم بضرب ولاد الجيران
وانا بصحلوا ينعن ابوك وانت بتلحقيه بشحاطة
وانا بضربوا بالقشاط وانت حصريه على البلاطة
وبحرموا من المصروف لا بياخد صحاح ولا فراطه
ولي عليكي وعلى هالخلفة... يقطع عمرك على عمر اهلك ... بطلت اتجوز ولي عالجازة وعلى ساعتا